Síðasta tímabil hjá Jesse Lingard var með ólíkindum. Hann var langt frá sæti í byrjunarliði Manchester United fyrri hluta tímabils en fór á lán til West Ham í janúarglugganum og sprakk út og átti frábæra tíma þar. Hann sagði frá sögu sinni í The players tribune og þar sagði hann meðal annars frá nokkuð skrítnum símtölum frá Jose Mourino.

Mourinho var þjálfari Manchester United á þessum tíma og átti það til að hringja í leikmenn sína til að heyra í þeim hljóðið.

„Stundum leit ég á símann minn og sá að hann var að hringja í mig á Facetime alveg upp úr þurru til að tékka á mér. Mér fannst þetta mjög skrítið í fyrstu.“

„Hann hringdi og sagði „Sæll Jesse, hvað ertu að gera?“ Og ég svaraði bara að ég væri að slaka á og horfa á sjónvarpið. Þetta sýndi hvað honum þótti vænt um okkur.“

Jose Mourinho used to randomly FaceTime Jesse Lingard 😅 pic.twitter.com/duhbmIPMoQ

— ESPN FC (@ESPNFC) October 14, 2021

Enski boltinn á 433 er í boði