Andri Lucas Guðjohnsen skoraði í 4-0 sigri gegn Liechtenstein í undankeppni HM 2022 í kvöld.
Mark Andra kom eftir laglegt samspil við bróður hans, Svein Aron Guðjohnsen.
,,Þetta var alveg geggjað. Það eiginlega þurfti að vera Svenni sem kom með stoðsendinguna. Þetta var gríðarlega góð sending hjá honum. Ég náði að slútta þessu, geggjað,“ sagði Andri við RÚV eftir leik.
,,Ég var stoltur af honum og hann var stoltur af mér. Ég þurfti að fara að knúsa stóra bróður eftir þetta.“
Margir leikmenn hafa fengið tækifæri með landsliðinu undanfarið. Mikil kynslóðaskipti eru að eiga sér stað. Andri telur liðið vera að bæta sig mikið.
,,Þetta er að verða gott lið. Það eru betri tengsl að koma á milli leikmanna. Við erum að byggja upp gott lið.“
,,Það eru margir leikmenn mjög góðir. Auðvitað vilja allir prófa að spila nokkrum í sitt hvorum stöðum. Þetta er smá ,,process.““