Ísak Bergmann Jóhannesson varð í kvöld yngsti markaskorari A-landsliðs karla hjá Íslandi.
Hann skoraði jöfnunarmark liðsins í 1-1 jafntefli gegn Armeníu. Ísak átti frábæra innkomu í seinni hálfleik.
Með markinu bætti hann met frænda síns, Bjarna Guðjónssonar. Ísak er 18 ára sex mánaða og fimmtán daga.
,,Ég vissi reyndar af því Bjarni frændi minn átti metið. Ég var svolítið með markmið að slá það. Ég vissi að ef ég myndi skora í september eða október þá myndi ég slá það,“ sagði Ísak við RÚV.
Ísak er leikmaður FC Kaupmannahafnar í Danmörku. Vakti félag hans athygli á árangrinum á Twitter.
Og han har med sine 18 år, seks måneder og 15 dage iøvrigt slået rekorden og er nu yngste målscorer for det islandske A-landshold nogensinde! #fcklive
— F.C. København (@FCKobenhavn) October 8, 2021
