Manchester United vann í gær sterkan 3-2 sigur gegn Liverpool í enska bikarnum. Leikið var á Old Trafford í Manchester. Mohamed Salah, kom Liverpool yfir með marki eftir stoðsendingu frá Roberto Firmino á 18. mínútu.

Þannig stóðu leikar þangað til á 26. mínútu. Marcus Rashford átti frábæra sendingu inn fyrir vörn Liverpool sem rataði á Mason Greenwood sem jafnaði metin fyrir Manchester United. Leikar í hálfleik stóðu 1-1.

Marcus Rashford kom Manchester United yfir í leiknum með marki á 48. mínútu eftir stoðsendingu frá Mason Greenwood. Tíu mínútum síðar skoraði Mohamed Salah annað mark sitt og Liverpool og jafnaði metin eftir stoðsendingu frá Firmino. Sigurmark leiksins kom hins vegar á 78. mínútu. Það skoraði varamaðurinn Bruno Fernandes sem tryggði Manchester United 3-2 sigur á nágrönnum sínum og farmiða í 5. umferð enska bikarsins með marki beint úr aukaspyrnu.

Sigurmarkið kom úr umdeildri aukaspyrnu en Edinson Cavani, framherji Manchester United hefur verið sakaður um dýfu. Ekki eru allir sammála um málið. „Hann notar alla sína reynslu og notar líkamann vel, hann kemst fram fyrir varnarmanninn og hné varnarmannsins fer í hann. Þetta er aukaspyrna,“ sagði Alan Shearer um málið eftir leik.

Ian Wright sem var sérfræðingur á BBC með Shearer var ekki sammála. „Hann er byrjaður að fara niður, snerting Fabinho breytir engu. Hann er að fara niður,“ sagði Wright.

Atvikið má sjá hér að neðan.

Newcastle legend Shearer felt that it was the correct decision, saying that Fabinho’s knee went ‘through the back’ of Cavani.

Kiss my arse. He’s need him in the back of the leg. It’s clever by cavani. Fab thinks he can clear it then cavani puts his leg there. It’s a foul mate sod off pic.twitter.com/T4UrIjmoWP

— Ishaq Shafiq (@IshaqShafiq7) January 25, 2021