Tékkneska knattspyrnusambandið, gefur lítið fyrir þá staðreynd að Cristiano Ronaldo hafi í gær orðið markahæsti leikmaður sögunnar og þar með slegið met Tékkneska leikmannsins Josef Bican.
Cristiano Ronaldo skoraði eitt mark í 2-0 sigri Juventus á Napoli, í úrslitaleik Ofurbikarsins á Ítalíu. Þetta var mark númer 760 á knattspyrnuferli kappans.
Tékkneska knattspyrnusambandið segir hins vegar að Josef Bican hafi skorað 821 mark á sínum ferli en ekki 759 mörk eins og hefur verið talið. Það myndi þýða að Ronaldo þyrfti að skora 62 mörk til viðbótar til að slá met Bican.
Jaroslav Kolár, er maðurinn sem Tékkneska knattspyrnusambandið treystir á í þessum efnum. Hann fer fyrir nefnd sögu og tölfræði, hjá sambandinu, sem taldi öll mörk Bican.
Niðurstaða nefndarinnar var meðal annars sú að mörk sem Bican skoraði árið 1952 fyrir félagsliðið Hradec Králové, vantaði í talningu á þeim mörkum sem leikmaðurinn skoraði. Þau eru 53 talsins.
„Það þýðir að Cristiano Ronaldo er ekki markahæsti leikmaður sögunnar og að hann þarf að skora fleiri mörk til að slá metið,“ sagði Jaroslav Kolár.
Óvíst er hvort tekið verði tillit til þessa fullyrðinga Tékkneska knattspyrnusambandsins.
The best goalscorer in football history? 🤔
The History and Statistics committee of the Czech FA counted all the goals scored by the legendary Josef Bican and we can declare he scored 821 goals in official matches.
Jaroslav Kolář, the Head of the committee shares more details. pic.twitter.com/eYqTcGJf1p
— Czech Football Team (@ceskarepre_eng) January 21, 2021