Breiðablik og Valur eru bæði að reyna að sannfæra Davíð Örn Atlason, bakvörð Víkings um að ganga í raðir félagsins.
Frá því var greint í hlaðvarpsþætti Dr. Football í dag að Davíð muni skrifa undir hjá nýju félagi á morgun.
Davíð er sagður hafa kvatt liðsfélaga sína í Víkinni í gær en þar hefur hann átt frábær ár, Davíð hefur verið einn besti hægri bakvörður íslenska fótboltans síðustu ár.
Breiðablik hefur verið að skoða stöðu hægri bakvarðar í vetur en hjá Val er fyrir Birkir Már Sævarsson.
Davíð er 26 ára gamall en hann hefur spilað 150 leiki í meistaraflokki og skorað í þeim tíu mörk.