Stuðningsmenn Manchester United telja auknar líkur á því að Cristiano Ronaldo snúi aftur til félagsins, nú þegar hann er að verða 36 ára gamall.
Ronaldo yfirgaf United fyrir tæpum tólf árum en hefur reglulega verið orðaður við endurkomu til félagsins.
Ronaldo leikur í dag með Juventus en ítalska félagið þarf mögulega að losa sig við Ronaldo vegna COVID-19 veirunnar. Veiran hefur haft slæmt áhrif á fjárhag félagsins og er Ronaldo launahæsti leikmaður félagsins.
🔴
Cristiano Ronaldo just followed Manchester United on Instagram. pic.twitter.com/hRc1Ir9SZA
— The CR7 Timeline. (@TimelineCR7) January 18, 2021
Stuðningsmenn United telja að Ronaldo gæti nú snúið aftur, sérstaklega eftir að hann fór að fylgja sínu gamla félagi aftur á Instagram í gær. Ronaldo fylgir ekki Real Madrid þar sem hann lék lengi vel.
Mikil umræða hefur skapast á meðal stuðningsmanna United um málið og telja þeir þetta vera góða vísbendingu.
Ronaldo þénar 28 milljónir punda á ári hjá Juventus og er í sérflokki þegar kemur að launum á Ítalíu.
