Stórleikur Liverpool og Manchester United var að klárast rétt í þessu og endaði leikurinn markalaus.
Mikið var um færi í leiknum en aldrei náði boltinn að rata í netið en markmenn beggja liða vörðu hvern boltann á eftir öðrum.
Mikil umræða hófst á Twitter eftir að Paul Tierny flautaði til hálfleiks áður en viðbættum tíma var lokið og var Sadio Mané sóknarmaður Liverpool sloppinn einn í gegn.
Í seinni hluta seinni hálfleiks voru Bruno Fernandes og Paul Pogba ekki langt frá því að skora en Alisson markmaður Liverpool varði bæði skot en þau komu af stuttu færi.
Lokatölur 0-0 og bæði lið halda sér í sínu sæti Liverpool í því þriðja og Manchester United í því fyrsta.
