Liverpool tekur á móti Manchester United í toppslag ensku úrvalsdeildarinnar á morgun. Leikið verður á Anfield og hefst leikurinn klukkan 16:30. Manchester United er fyrir leikinn í 1. sæti deildarinnar með 36 stig. Liverpool situr í 2. sæti með 33 stig. Leikurinn er því mikilvægur fyrir bæði lið.
Breski fjölmiðillinn The Guardian, hefur stillt upp líklegum byrjunarliðum í leiknum.
Aðal spurningarmerkið í liði Liverpool er hvort að miðvörðurinn, Joel Matip, verði orðinn heill heilsu til þess að spila leikinn. Thiago er snúinn aftur í lið Liverpool eftir meiðsli og mun að öllum líkindum vera í byrjunarliði Liverpool á morgun.
Hjá Manchester United er óvissa um þátttöku Anthony Martial. Edinson Cavani er líklegur til þess að leiða sóknarlínu Manchester United í leiknum með Marcus Rashford.
Manchester United er á fljúgandi siglingu um þessar mundir í ensku úrvalsdeildinni. Liðið hefur unnið fimm af síðustu sex leikjum. Liverpool hefur verið í basli en munu án efa berjast fyrir sínu á heimavelli og freista þess að jafna Manchester United að stigum.