Jason McAteer, fyrrverandi miðjumaður Liverpool, segir Manchester United ekki vera á þeim stað í deildinni þar sem liðið mun enda. Heppni sé ástæðan fyrir því að liðið sitji í toppsæti deildarinnar fyrir leikinn gegn Liverpool á sunnudaginn.
„Ole Gunnar, hefur ekki glímt við sömu vandamál og aðrir knattspyrnustjórar hvað varðar meiðslavandræði. Hann hefur geta valið úr mörgum leikmönnum,“ sagði Jason McAteer í viðtali á Sky Sports.
Hann telur að Manchester United, muni ekki vera að berjast um titilinn undir lok leiktíðar.
„Ég hugsa að Liverpool og Manchester City verði að berjast um titilinn. Manchester United munu dragast aftur úr. Þegar að maður horfir á úrslit liðsins gegn liðum eins og RB Leipzig, PSG, Manchester City og Arsenal þá hefur liðið ekki verið að ná í úrslit. Það segir mér að þegar stóra tækifærið gefst, getur Manchester United klárað dæmið? sagði McAteer á Sky Sports.
Liverpool tekur á móti Manchester United á Anfield á sunnudaginn í stórleik helgarinnar í ensku úrvalsdeildinni. Liverpool er fyrir leikinn í 2. sæti deildarinnar með 33 stig, þremur stigum á eftir Manchester United sem vermir toppsæti deildarinnar.
Enski boltinn á 433 er í boði 
