Chelsea tók á móti Morecambe í FA bikarnum en leikurinn kláraðist rétt í þessu og vann Chelsea þæginlegan 4-0 sigur.

Þeir sem fylgdust með leiknum og voru með sjónvarpstækið í botni heyrðu kannski köll leikmanna Morecambe sem sátu á varamannabekk liðsins.

Í hvert skipti sem liðið komst í átt að marki mátti heyra „Skjóttu“ frá varamannabekk Morecambe en þeir virtust hafa litla trú á Kepa í marki Chelsea en hann hefur ekki átt við gott gengi upp á síðkastið og gert sig sekan um slæm mistök.

Þeir virtust þó hafa aðeins of litla trú á dýrasta markmanni heims en hann hélt hreinu í leiknum í dag og varði vel nokkrum sinnum.

Lots of cries of "shoot" from the Morecambe bench on the rare occasions they have got within 40 yards of Chelsea's goal. It's like they think the world's most expensive goalkeeper might be a bit unreliable…

— Matt Law (@Matt_Law_DT) January 10, 2021