John Terry er hættur sem aðstoðarstjóri Aston Villa á Englandi.

Þessi Chelsea-goðsögn hefur sinnt starfinu hjá Villa síðustu þrjú tímabil. Hann var til að mynda hjá liðinu er það tryggði sér sæti í efstu deild á nýjan leik vorið 2019.

Yfirlýsing Terry:

,,Ég virði stjórann og alla hjá Aston Villa. Eftir að hafa velt framtíðinni vandlega fyrir mér í sumar hefði það ekki verið sanngjarnt að fara inn í nýtt tímabil án þess að vera vissum að geta klárað það.“

,,Mig langar að þakka Christian Purslow og eigendunum, Wes Edens og Nassef Sawiris fyrir að hafa trú á mér og gefa mér þetta tækifæri.“

,,Ég mun alltaf eiga í skuld við stjórann fyrir að gefa mér það tækifæri að hefja þjálfunnarferilinn minn hjá þessu yndislega félagi. Ég hef elskað hverja mínútu og lært svo mikið.“