Íslendingurinn Vilhjálmur Alvar Þórarinsson mun dæma leik í annarri umferð forkeppni Sambandsdeildar Evrópu á fimmtudag. Leikurinn sem um ræðir er á milli Hibernian FC frá Skotlandi og FC Santa Coloma frá Andorra, en þetta kom fram á vefsíðu KSÍ í dag.
Leikurinn fer fram í Edinborg í Skotlandi. Gylfi Már Sigurðsson og Oddur Helgi Guðmundsson verða Vilhjálmi til aðstoðar. Ívar Orri Kristjánsson verður fjórði dómari.
Eins og kunnegt er leika íslensku liðin Breiðablik, Valur og FH í keppninni.