Burnley tók á móti West Ham í 34. umferð ensku úrvalsdeildarinnar í kvöld. Leiknum lauk með 1-2 sigri West Ham. Með sigrinum tryggði liðið sér mikilvæg stig í Meistaradeildarbaráttunni.
Heimamenn komust yfir á 19. mínútu úr vítaspyrnu sem Chris Wood tók eftir nokkuð rólega byrjun. Þá kviknaði á leikmönnum West Ham og jöfnuðu þeir leikinn þremur mínútum síðar með marki frá Antonio. Antonio var aftur á ferðinni átta mínútum síðar og kom gestunum yfir. Leikmenn West Ham sóttu mikið í seinni hálfleik og stjórnuðu ferðinni. Það komu þó ekki fleiri mörk í leikinn og sanngjarn sigur West Ham staðreynd.
Með sigrinum komst West Ham í 5. sæti deildarinnar og eru aðeins þremur stigum frá Chelsea í Meistaradeildarsæti. Burnley er í 16. sæti deildarinnar, níu stigum frá falli.
Burnley 1 – 2 West Ham
1-0 Wood (´19)
1-1 Antonio (´21)
1-2 Antonio (´29)
