Jose Mourinho settist við stýrið á Aston Martin bifreið sinni í morgun og keyrði um London, hann stoppaði við á æfingasvæði Tottenham með Nuno Santos.

Mourinho var rekinn úr starfi hjá Tottenham í gær en aðstoðarmenn hans, þeir Joao Sacramento, Nuno Santos, Carlos Lalin og Giovanni Cerra voru einnig látnir taka poka sinn.

Santos var markvarðarþjálfari Tottenham en honum tókst ekki að taka til dót sitt á æfingasvæði Tottenham í gær, Mourinho skutlaði honum því á svæðið í morgun.

Mourinho beið út í bifreið sinni á meðan Santos hreinsaði borðið sitt en Mourinho hafði tæmt allt dótið sitt á æfingasvæði Spurs í gær og haldið heim á leið.

Mourinho var rekinn frá Tottenham eftir 17 mánuði í starfi en Spurs þarf að greiða Mourinho um 15 milljónir punda eftir að hafa rekið hann úr starfinu.