Chelsea tryggði sér miða í undanúrslit Meistaradeildarinnar í gær. Á Ramón Sanchez Pizjuan vellinum í Sevilla á Spáni, mættust Chelsea og Porto. Fyrri leikur liðanna fór fram á sama velli og þá var Porto heimaliðið. Sá leikur endaði með 2-0 sigri Chelsea.

Leikur gærkvöldsins endaði með 1-0 sigri Porto. Eina mark leiksins skoraði Mehdi Taremi í uppbótartíma venjulegs leiktíma. Chelsea er samt sem áður komið áfram í undanúrslit með samanlögðum 2-1 sigri úr einvíginu.

Læti voru eftir leikinn þar sem Thomas Tuchel stjóri Chelsea og Sergio Conceicao stjóri Porto skiptust á orðum, þjálfari Porto er ekki sáttur með Tuchel og segir að hann hafi sagt. „Fuck off,“ eftir leik liðanna. Var Conceicao sár yfir því að fá svona fúkyrði yfir sig.

Fleiri blönuðu sér í málið en skaphundurinn Pepe hjá Porto var mættur á svæðið og ræddi við Tuchel sem Íslendingar kalla oftar en ekki Tomma taktík.

Lætin milli Tuchel og Sergio Conceicao höfðu byrjað á meðan leik stóð en allt sauð upp úr þegar ljóst var að Chelsea færi áfram.