FC Bayern hafði ekki tapað í 19 leikjum í röð þegar liðið tók á móti PSG í gær í átta liða úrslitum. Það snjóaði á Allianz Arena í Þýskalandi er Evrópumeistarar Bayern Munchen og franska liðið Paris Saint-Germain mættust. Ekki þurfti að bíða lengi eftir fyrsta marki leiksins en það kom á 3. mínútu. Þar var að verki Kylian Mbappe sem kom Paris Saint Germain yfir eftir stoðsendingu frá Neymar. Það er ljóst að Manuel Neuer, hefði geta gert betur í marki Bayern Munchen
Leiknum lauk með 3-2 útisigri Paris Saint Germain. Gestirnir náðu í mikilvæg útivallarmörk fyrir seinni leik liðanna sem fer fram í París þann 13. apríl næstkomandi.
Bayern tapaði síðast leik í Meistaradeildinni haustið 2019 en síðan þá hafði liðið verið á skriði, Bayern vann Meistaradeildina síðasta sumar.
Bayern vantaði sex leiki án taps til að jafna met Manchester United, liðið fór í gengum 25 leiki í röð án þess að tapa í Meistaradeildinni. Liðið vann Meistaradeildina árið 2008 og fór svo í úrslitaleikinn ári síðar þar sem liðið tapaði fyrir Barcelona.
