Mesut Özil leikmaður Arsenal er klár í að gefa hressilega eftir af launapakka sínum ef Arsenal er tilbúið að rifta samningi hans.
Özil á sex mánuði eftir af samningi sínum en er klár í að rifta samningi sínum. EF Özil situr á samningi sínum fram á sumar fær hann tæpar 9 milljónir punda í laun.
Samkvæmt The Athletic er Özil tilbúinn að gefa eftir 7 milljónir punda ef Arsenal riftir samningi hans. Hann vill ganga í raðir Fenerbache í Tyrklandi.
Özil hefur ekki spilað með Arsenal síðan í mars en félagið hefur viljað losna við hann um langt skeið, hann er launahæsti leikmaður félagsins en nýtist ekkert innan vallar.
Özil má ræða við önnur félög þessa stundina sökum þess að samningur hans er á enda í sumar, hann og Arsenal vonast hins vegar til þess að finna lausn á hans málum nú í janúar.
Enski boltinn á 433 er í boði 
