Á þessum fordæmalausu tímum virðast margir fótboltamenn gera það sem huganum girnist og hafa margir skandalar þeirra ratað í fréttir um allan heim.

Nýjar sóttvarnarreglur líta dagsins ljós í hverri viku til þess að halda tímabilinu gangandi til dæmis hvað varðar fögn leikmanna og hvað leikmenn gera í frítíma sínum en engar reglur eru til að vernda dómara á meðan leikmenn deildarinnar brjóta sóttvarnarlög ítrekað.

Refsupportuk hefur tjáð sig um málið og vilja að leikmenn haldi sig í tveggja metra fjarlægð frá dómara þegar þeir taka leikmenn í tiltal eða þegar að leikmenn hafa eitthvað við dómarann að segja.

„Það er þannig séð engin ástæða fyrir því að leikmaður þurfi að koma nær en tvo metra  frá dómara leiksins, við viljum tveggja metra reglu,“ segir yfirlýsing Refsupportuk.

Vonast er eftir að knattspyrnusamband Englands komist að samkomulagi við dómara deildarinnar til að koma í veg fyrir að leikmenn hópi sér saman við dómarann þegar að hann kveður upp dóm eða hver sem ástæðan sé að leikmenn séu að nálgast dómarann.