Pierre-Emerick Aubameyang, framherji Arsenal, viðurkennir að hafa átt slæmu gengi að fagna inn á knattspyrnuvellinum á þessu tímabili. Hann er hins vegar staðráðinn í því að binda enda það.
Aubameyang, hefur aðeins skorað þrjú mörk í 18 leikjum í ensku úrvalsdeildinni í Arsenal liði sem átti erfitt uppdráttar framanaf en er nú farið að ná í úrslit. Liðið hefur nú unnið fjóra leiki í röð í öllum keppnum.
„Ég átti erfitt uppdráttar frá upphafi tímabils en ég tel að þetta sé hluti af fótboltanum,“ sagði Aubameyang í viðtali við Sky Sports.
Leikmaðurinn skrifaði undir nýjan samning við Arsenal fyrir tímabilið. Félagið lagði mikið kapp á að halda framherjanum sem hefur skorað ófá mörkin síðustu tímabil.
„Maður á sínar góðu og slæmu stundir og maður verður að takast á við þessar stundir með bestu getu. Ég hef reynt mitt besta hingað til, núna hef ég ekki verið að standa mig en ég er enn jákvæður. Ég tel mig geta fundið mína fjöl aftur,“ sagði Aubameyang í viðtali hjá Sky Sports.
🗣 „From the beginning of the season I was struggling a lot, this is part of football you have ups and downs.“
Pierre-Emerick Aubameyang on struggling to score goals this season pic.twitter.com/PMC3B0XdLn
— Football Daily (@footballdaily) January 13, 2021