Atli Guðnason einn allra besti leikmaður í sögu íslenska fótboltans hefur ákveðið að hætta að leika fyrir félagið. Atli hefur verið jafn besti leikmaður Íslandsmótsins síðustu ár.
„Kæru FH-ingar. Nú er kominn tími til að setja punkt fyrir aftan mjög mörg skemmtileg ár og minningar sem ég mun eiga fyrir lífstíð. Ég hef verið ótrúlega lánsamur með að taka þátt í velgegninni hjá félaginu mínu og geng mjög stoltur frá borði. Ég er þakklátur svo ótrúlega mörgum sem gerðu það að verkum að ég náði þeim árangri sem ég náði. Takk kærlega fyrir mig,“ skrifar Atli á Facebook síðu FH.
Atli fagnar 37 ára afmæli sínu á þessu ári en hann lék sinn fyrsta leik með meistaraflokki FH árið 2004 þegar liðið varð Íslandsmeistari.
Atli hefur síðan frá 2006 verið í stóru hlutverki í liði FH, hann spilaði 408 leiki í deild og bikar hér á landi og skoraði í þeim 109 mörk.
Atli lék þrjá A-landsleiki á ferli sínum en tókst ekki að skora í þeim verkefnum
