Ein af stúlkunum sem fór upp á hótel að hitta Mason Greenwood og Phil Foden hefur opnað sig um málið. Tvær íslenskar stúlkur heimsóttu ensku landsliðsmennina á hótel í gær, voru þeir reknir úr enska landsliðinu í dag vegna atviksins.’
Leikmennirnir gerðust sekir um brot á sóttvarnarreglum eftir að tvær íslenskar konur heimsóttu hótel þeirra í gær. Konurnar fóru á Hótel Sögu þar sem enska landsliðið dvaldi, fyrst um sinn var aðeins önnur konan að fara að hitta Mason Greenwood. Henni var skutlað af vinkonu sinni sem snéri við þegar hún var á heimleið þar sem leikmaðurinn Phil Foden hafði áhuga á að hitta hana.
Konurnar fóru ekki inn á herbergi leikmannanna heldur var búið að bóka tvö önnur herbergi þar sem þeir gátu hitt íslensku konurnar ,,Ég vil vera heiðarleg með þetta allt saman, ég sendi ekki neitt á fjölmiðla,“ skrifar stúlkan á Instagram síðu sína í dag. Hún ræðir svo málið ítarlega við Daily Mail.
,,Mér líður illa með þetta og ég vildi ekki setja þá í þessa stöðu, við vissum ekki betur og vissum ekki að þeir væru í sóttkví. Við hefðum ekki farið að hitta þá ef við hefðum vitað það. Við vissum ekki hver Phil væri, við vissum ekki að Mason væri leikmaður Manchester United,“ segir stúlkan við Daily Mail.
„Við höfum ekki rætt við þá eftir atvikið. Þetta var gott kvöld, við vorum öll fjögur saman að kynnast. Þeir voru ljúfir drengir, mjög ljúfir. Þeir eru ungir, við erum öll ung og gerum mistök. Þeir komu vel fram við okkur, miklir herramenn.“
Meira:
Enskir landsliðsmenn brutu reglur hér á landi í gær – Fengu íslenskar stúlkur upp á hótel
Stúlkan sem fór á Hótel Sögu segist ekki bera ábyrgð á þeim myndböndum sem eru í umferð. „Ég tók ekki þessar myndir og þessi myndbönd, ég er ekki stúlkan í myndbandinu sem sést tala við þá. Það er önnur stelpa,“ segir stúlkan og segir svo. „Ég vissi ekki að strákarnir væru í sóttkví.“
,,Þeir eiga þetta ekki skilið í eina sekúndu, þetta eru frábærir drengir og góðir knattspyrnumenn. Það var ekki ætlun mín að þetta færi svona, ég segi það aftur. Ég sendi ekkert á fjölmiðla og hefði aldrei gert það.“