Enska landsliðið dvelur enn í Englandi fyrir landsleikinn gegn Íslandi á morgun en liðið flýgur til landsins síðdegis í dag. Leikurinn á morgun er fyrsti leikur í Þjóðadeildinni en enska þjóðin er enn í sárum eftir síðustu viðureign við Ísland.
Enskir voru með fréttamannafund fyrir leikinn á morgun í gegnum Zoom í hádeginu í dag. Ensk blöð hafa greint frá því að Englendingar ætli krjúpa á kné á Laugardalsvelli á laugardag til að styðja baráttu Black Lives Matter. Harry Kane var spurður út í málið.
,,Þetta var mál sem við ræddum. það er mikilvægt sem lið og þjóð að allir séu á sömu blaðsíðu. Við teljum það mikilvægt að krjúpa á kné fyrir leikinn, þetta tók ekki langan fund. Við erum allir á sama máli að við sem þjóð sendum þessi skilaboð,“ sagði framherjinn öflugi.
Kane var á vellinum í Frakklandi árið 2016 þegar Ísland vann sinn fræknasti sigur á Englandi. „Þetta var ein erfiðasta stund sem ég hef upplifað í ensku treyjunni. Ég lærði af þessu, þetta var fyrsta stórmótið mitt. Ég hef alltaf reynt að læra svona leikjum, ég hef gert það sem leikmaður og persóna. Við höfum bætt okkur á þessum fjórum árum. Þessir leikir koma alltaf upp í hausinn á manni.“
Kane var loks spurður út í Mason Greenwood sóknarmann Manchester United sem er í fyrsta sinn í hópi Gareth Southgate. ,,Mason hefur verið frábær frá fyrstu æfingu, þú getur séð að hann er með sjálfstraust. Klár í að skjóta og taka leikmenn á, hann hefur gert vel fyrir Manchester United. Það er frábært að fá hann í hópinn.“
Þegar Kane var spurður um hvað einkenni góðan markaskorara. „Þú vinnur mikið í því að vera á réttum stað. Stundum er það tilfinning en að horfa á Mason þennan stutta tíma. Hann getur skorað með vinstri og hægri, innan og utan teigs. Ég hef bara æft með honum í nokkra daga en hann virðist vera frábær í að klára færin.·