Manchester United er í viðræðum við Barcelona um að fá Ousmane Dembele á láni frá Barcelona. Þetta gerir United vegna þess að ekkert gengur í viðræðum við félagsins um Jadon Sancho kantmann Borussia Dortmund.
Dembele er 23 ára gamall en hann varð dýrasti leikmaður í sögu Barcelona þegar félagið borgaði 95 milljónir punda fyrir hann árið 2017. Dembele kom þá til Barcelona frá Dortmund.
Dembele hefur verið talsvert meiddur á Nývangi og ekki náð að festa sig í sessi, Ronald Koeman vill ekki missa hann en Börsungar gætu neyðst til að selja hann.
Manchester United hefur í allt sumar reynt að kaupa Sancho frá Dortmund en ekki viljað borga þann verðmiða sem Dortmund setur upp.
Dembele hefur unnið La Liga í tvígang með Barcelona en hann hefur aðeins spilað 75 leiki í öllum keppnum vegna meiðsla.
Enski boltinn á 433 er í boði 
