Stuðningsmenn Manchester United hafa kallað eftir því að félagið rífi upp veskið og kaupi miðvörð inn í hjarta varnarinnar en félagið ætlar ekki að svara kallinu. Stuðningsmenn United hafa litla trú á Victor Lindelöf sem er mistækur.
Ed Woodward stjórnarformaður Manchester United hefur hins vegar borgað stórar upphæðir fyrir varnarmenn í gegnum tíðina og hlutirnir virðast aldrei lagast.
Þannig hefur United miðverði í sínum herbúðum sem félagið hefur borgað 182 milljónir punda fyrir, það gerir 32 milljarða íslenskra króna.
Dýrastur er fyrirliði félagsins Harry Maguire en Lindelöf og Eric Bailly kostuðu mikið en hafa litlu skilað til baka.
Þá er United að reyna að losna við Phil Jones, Marcos Rojo og Chris Smalling en það gengur erfiðlega.
Leikmenn – Verðmiði:
Harry Maguire: £80m
Victor Lindelof: £30m
Eric Bailly: £30m
Phil Jones: £16
Marcos Rojo: £16m
Chris Smalling: £10m
Heildarupphæð: £182m
