Það var líf og fjör á Englandi um helgina þegar fyrsta umferð ensku úrvalsdeildarinnar fór fram. Átta leikir fóru fram en Manchester liðin fengu lengra frí vegna árangurs í Evrópu.
Liverpool byrjaði titilvörn sína á naumum sigri á nýliðum Leeds í skemmtilegasta leik helgarinnar.
Gylfi Þór Sigurðsson byrjaði á meðal varamanna en kom við sögu þegar Everton vann góðan útisigur á Tottenham. Arsenal pakkaði Fulham saman í fyrsta leik helgarinnar.
Chelsea byrjaði með sigri á Brighton og Newcastle fór í göngutúr í garðinum þegar liðið heimsótti West Ham.
Lið 1 umferðar í ensku úrvalsdeildinni að mati Alan Shearer er hér að neðan.
