Það varð allt vitlaust í Frakklandi í gær þegar Marseille vann 1-0 sigur á PSG í frönsku úrvalsdeildinni. Fimm leikmenn voru reknir af velli.
Neymar var einn af þeim sem var rekinn af velli en allt varð vitlaust undir lok leiksins. Neymar fékk rauða spjald sitt fyrir að slá í hausinn á Alvaro Gonzalez leikmanni Marseille.
Neymar sér eftir því að hafa ekki lamið hann fastar. „Það eina sem ég sé eftir er að hafa ekki lamið þennan rasshaus í andlitið,“ sagði Neymar sem hafði slegið hann á hnakkann.
Neymar kveðst hafa orðið fyrir kynþáttaníði frá Alvaro. „Að VAR hafi séð mitt atvik var einfalt, núna vona ég að það sé hægt að sjá myndir af því þegar rasistinn kallar mig andskotans apa,“ skrifaði Neymar á Twitter.