Landsliðsmarkmaðurinn Rúnar Alex Rúnarsson, sem er á mála hjá liðinu Dijon í efstu deild Frakklands, er orðaður við stórliðið Arsenal í ensku úrvalsdeildinni.

Þetta fullyrða nokkrir aðilar á samfélagsmiðlinum Twitter. Einn segir að ástæðan fyrir því að Rúnar hafi verið þjálfaður af markmannsþjálfaranum Inaki Cana í Danmörku en Cana er í dag markmannsþjálfari Arsenal. „Lítur út fyrir að Cana þekki hann mjög vel og að hann hafi mælt með honum við þjálfara Arsenal, Mikel Arteta,“ segir notandi nokkur sem sérhæfir sig í leikmannaskiptafréttum í tengslum við Arsenal.

Árið 2014 fór Rúnar til danska liðsins Nordsjælland frá KR en þá var hann aðeins 18 ára gamall. Árið 2018 fór Rúnar frá danska liðinu og yfir til Frakklands í Dijon.

Enski boltinn á 433 er í boði