CNN greinir frá þessu en í tilkynningu frá skólanum segir að umrætt partý hafi átt þátt í útbreiðslu faraldursins meðal nemenda. 29 manns hafa greinst með COVID-19 í fjórum íþróttaliðum skólans eftir partýið en auk þess eru afar margir í sóttkví. „Þessi smit eru rakin beint til þessarar veislu,“ segir í tilkynningu frá skólanum.
„Ég er afar vonsvikinn með þessa ungu menn,“ sagði þjálfari liðsins, John Michael Hayden. „Þeir hafa sýnt að þeir eiga ekki heima í þessu liði. Liðsmenn okkar þurfa að sýna ábyrgð sem fulltrúar skólans.“
Þetta er ekki í fyrsta skipti sem partý á vegum háskólanema veldur kórónuveirusmitum. Í júlí héldu nemendur háskólans í Kaliforníu röð af partýum og voru 47 staðfest smit rakin til partýjanna. Svipaðar aðstæður hafa einnig komið upp í Mississippi en þar voru mörg partý haldin á vegum háskólanema í sumar. Hundruðir smituðust á svæðinu og voru fjölmörg smit rakin til partýjanna.