BBC greinir frá kaupunum en þau ættu að klárast fyrir lok ágúst mánaðar. „Við erum spennt að klára þessi kaup og vonumst við til þess að það gerist eins fljótt og hægt er svo við getum orðið hluti af AS Roma fjölskyldunni,“ segir Friedkin sem borgaði 591 milljón evrur, um 95 milljarða íslenskra króna, fyrir liðið.
Þetta eru fjárfesting Friedkin sem tengist íþróttum en áður hefur hann fjárfest í bíla- skemmtana- og þjónustuiðnaði. Hann tekur við eigendakeflinu af öðrum bandarískum eiganda, James Palotta, en Palotta keypti félagið árið 2012.
AS Roma hefur náð fínum árangri á meðan félagið hefur verið í eigu Palotta. Liðið hefur endað þrisvar sinnum í öðru sæti efstu deildar Ítalíu auk þess sem liðið komst í undanúrslit Meistaradeildarinnar eftir magnaðan sigur á Barcelona. Það vakti athygli þegar Palotta fagnaði sigri Roma á Barcelona með því að hoppa í sögufrægan brunn í Róm en hann þurfti að borga sekt fyrir fagnaðarlætin.