Öllum knattspyrnuleikjum til 7. ágúst, hjá meistaraflokki, 2. flokki og 3. flokki, hefur verið frestað. KSÍ og fulltrúar Almannavarna funduðu í dag um málefni knattspyrnunnar og þá stöðu sem er í samfélaginu vegna heimsfaraldurs Covid-19. Fyrir helgi voru fjöldatakmarkanir á samkomum lækkaðar úr 500 manns niður í 100 manns. Jafnfram var tveggja metra reglar sett á að nýju.

Á vefsíðu KSÍ kemur fram að von sé á minnisblaði frá almannavörnum og sóttvarnarlækni í dag, þriðjudag, og eru vonir bundnar við að minnisblaðið svari flestum spurningum KSÍ og knattspyrnuhreyfingarinnar um mótahald og æfingar.

Eins og staðan er núna eru æfingar knattspyrnuliða heimilar svo fremi sem tveggja metra nándarmörk séu virt og búnaður sótthreinsaður.