Ole Gunnar Solskjær, stjóri Manchester United, var ánægður í dag eftir 5-2 sigur hans manna á Bournemouth.

Marcus Rashford, Mason Greenwood og Anthony Martial komust allir á blað í sigrinum í þessum sjö marka leik.

Solskjær er mjög ánægður með sóknarmennina þrjá og hefur ekki áhyggjur af mörkum í liðinu.

,,Framherjarnir okkar eru spennandi. Við erum með leikmenn sem gera skapað færi fyrir þá en þeir eru leiknir og með hraða,“ sagði Solskjær.

,,Það er bara synd að stuðningsmennirnir gátu ekki verið hérna og hvatt þá áfram til að skora fleiri mörk.“

,,Mason hefur komið að 15 mörkum, tölfræði Bruno Fernandes er á uppleið svo við erum með mörk alls staðar. Ég hef engar áhyggjur af mörkunum.“

,,Mason er einn sá besti ef ekki sá besti í að klára færi sem ég hef unnið með og séð. Hann er svo rólegur.“