Alexis Sanchez, leikmaður Manchester United, hefur hafnað því að taka á sig launalækkun hjá félaginu.
Sanchez er 31 árs gamall en hann hefur spilað með Inter Milan á Ítalíu á láni á leiktíðinni.
Vængmaðurinn hefur staðið sig ágætlega á Ítalíu en stóðst alls ekki væntingar á Old Trafford.
Sanchez er launahæsti leikmaður United og fær rúmlega 500 þúsund pund á viku.
Hann er samningsbundinn næstu tvö árin og bað United hann um að taka á sig launalækkun svo auðveldara væri að selja.
Sanchez hafnaði því hins vegar og munu þessi tvö ár kosta United 50 milljónir punda.
