Kristinn Tómasson, fyrrverandi framherji Fylkis, er í skemmtilegu spjalli við Jóhann Skúla í Draumaliðinu þar sem hann velur bestu samherjana af ferlinum. Kristinn var öflugur framherji og er goðsögn í Lautinni í Árbænum.
Kristinn ræðir um tíma sinn undir stjórn Ólafs Þórðarsonar frá 1997 til 1998. Ólafur er þekktur fyrir að vera harður í horn að taka og vildi hann kom aga á í Árbænum. Það gekk misvel eins og Kristinn sagði frá.
Í einni æfingaferðinni lagði Ólafur áherslu á það að leikmenn færu að hátta á skikkanlegum tíma en nokkrir leikmenn vildu kíkja á galeiðuna.
„Menn voru að stelast út á kvöldin, settu fótboltaskó í rúmið eins og það væri einhver í rúminu. Hann sat í stiganum, hann vissi nákvæmlega að menn væru farnir út. Hann beið alla nóttina þar,“ sagði
Ólafur gómaði svo leikmennina og fékk misjöfn viðbrögð. „Einn af okkur kom inn og sá Óla í stiganum og sagði hvort hann ætti ekki að vera farinn að sofa.“
Kristinn ræddi einnig um Mikael Nikulásson knattspyrnusérfræðing sem gekk í raðir Fylkis á þessum tíma en var í aukahlutverki í Árbænum. „Mikael er skemmtilegur gaur, leit helst til of stórt á sig. Honum fannst að hann ætti að byrja alla leiki, vera í tíunni, fyrirliði og vítaskytta. Það var gaman að fá hann og kynnast honum.“