Liverpool, Chelsea, Manchester United hafa 12 daga til að virkja klásúlu í samningi Timo Werner.

Hægt er að kaupa Werner fyrir 49 milljónir punda en klásúlan í samningi hans við RB Leipzig rennur út 15 júní.

Werner hefur verið lengi orðaður við Liverpool og sagður fyrsti kostur liðsins í sumar. Breyttar aðstæður eru í fótboltanum vegna kórónuveirunnar og óvíst er hvaða félög geta keypt leikmenn í sumar.

,,Ég veit að Liverpool er besta lið í heimi í dag, það fyllir mig stolti að vera orðaður við þá,“ sagði Werner á dögunum.

,,Það er bara gaman, ég veit að Liverpool hefur marga goða leikmenn. Ég verð að bæta mig og læra mikið, til að komast á þennan stað.“