Peter Bosz, stjóri Leverkusen, virðist ekki vera of viss um að Kai Havertz verði áfram hjá félaginu á næsta ári.
Havertz er 21 árs gamall en hann er á mála hjá Leverkusen og þykir einn efnilegasti leikmaður heims.
Bosz vill halda undrabarninu hjá félaginu og veit að hann mun hið minnsta klára leiktíðina með liðinu.
,,Ég held að hann sé ekki að hugsa of mikið um að færa sig um set og við erum ekki að gera það heldur,“ sagði Bosz.
,,Ég hef það ekki á tilfinningunni að þetta sé hans síðasti leikur fyrir félagið. Hann er ennþá samningsbundinn.“
,,Ég verð að búast við því að hann verði hér á næstu leiktíð. Þar á meðal er úrslitaleikur bikarsins og Evrópudeildin gegn Rangers.“
,,Það veltur auðvitað allt á því hvað gerist fyrir það.“
