KR gerði góða ferð á Akranes í kvöld er liðið spilaði við ÍA í þriðju umferð úrvalsdeildar karla.

Fyrri hálfleikur kvöldsins var engin frábær skemmtun en engin mörk voru á boðstólnum.

Ballið byrjaði á 48. mínútu er Steinar Þorsteinsson skoraði fyrir ÍA með góðu skoti sem Beitir réð ekki við í markinu.

Aron Bjarki Jósepsson var næstur á blað en hann jafnaði metin fyrir KR stuttu seinna eftir hornspyrnu.

Kristján Flóki Finnbogason tryggði KR svo stigin þrjú eftir fallegt spil. Seinna fékk KR vítaspyrnu en Pálmi Rafn Pálmason klikkaði á punktinum. Lokatölur, 1-2.

HK tókst á sama tíma ekki að fylgja á eftir frábærum 0-3 útisigri á KR í annarri umferð.

HK fékk Val í heimsókn í kvöld og tapaði 4-0 þar sem Patrick Pedersen skoraði þrennu í fyrri hálfleik.

ÍA 1-2 KR
1-0 Steinar Þorsteinsson (48′)
1-1 Aron Bjarki Jósepsson (53′)
1-2 Kristján Flóki Finnbogason (61′)

HK 0-4 Valur
0-1 Patrick Pedersen (19′)
0-2 Patrick Pedersen (21′)
0-3 Patrick Pedersen (víti, 38′)
0-4 Birkir Heimisson (87′)