Ríkisstjórn Bretlands hefur gefið grænt ljós á það að íþróttafélög hefji æfingar að fullum krafti.

Í rúma viku hafa lið á Englandi getað æft í litlum hópum en nú er leyfilegt að setja allt á fullt. Leikmenn þurfa ekki lengur að virða tveggja metra regluna. Eitt af því sem þarf að leysa er hvar leikirnir verða spilaðir, mörg félög vilja spila á heimavelli sínum en það gæti reynst erfitt.

Lögreglan hefur viljað að spilað sé á hlutlausum völlum svo hægt sé að koma í veg fyrir að stuðningsmenn hópist saman fyrir utan vellina. Verður það rætt í vikunni á meðal félaganna í deildinni.

Ef boltinn fer að rúlla verður veisla fyrir sófakartöflur út um allan heim, stefnt er að því að hafa alla leiki í beinni útsendingu.

Stefnt er að því að spila fimm leiki á laugardögum og fimm leiki á sunnudögum, auk þess að vera með veislu í miðri viku.

Stefnt er að því að spila klukkan 11:00, 13:00, 15:00, 17:00 og 19:00 á íslenskum tíma bæði laugardaga og sunnudaga til að klára mótið en níu umferðir eru eftir.

Í miðri viku er svo stefnt að því að spila klukkan 17:00 og 19:00 og verða þá nokkrir leikir á sama tíma á þriðjudegi og miðvikudegi.

Enski boltinn á 433 er í boði