Sex smitaðir einstaklingar eru í ensku úrvalsdeildinni en allir sem koma að liðunum voru prófaðir.

748 leikmenn og starfsmenn voru prófaðir fyrir kórónuveirunni en félögin máttu hefja æfingar í gær. Þessir sex einstaklingar verða í sóttkví í heila viku og verður fylgst náið með þeim. Smitin sex eru í þremur félögum.

Aðstoðarþjálfari Burnley er með veiruna og sömuleiðis þrír hjá Watford en ekki er gefið upp hverjir það eru.

Troy Deeney fyrirliði Watford neitar að mæta á æfingar ög nú segir The Athletic frá því að fleiri leikmenn Watford geri slíkt hið sama.

Jamie Carragher sérfræðingur Sky Sports skilur ekki rökin á bak við það að mæta ekki til æfinga. „Æfingasvæðin eru örugg, leikmenn eru prófaðir og þeir sem hafa greinst hafa ekki fengið veiruna þar,“ sagði Carragher.

„Ég fengi öryggi í því sem leikmaður Watford að mæta til æfinga og vita að enginn smitaður væri þar. Þeir sem eru með smit eru heima“

„Ég skil áhyggjur en æfingasvæðin eru öruggust staður.“