Sex smitaðir einstaklingar eru í ensku úrvalsdeildinni en allir sem koma að liðunum voru prófaðir.

748 leikmenn og starfsmenn voru prófaðir fyrir kórónuveirunni en félögin máttu hefja æfingar í gær. Þessir sex einstaklingar verða í sóttkví í heila viku og verður fylgst náið með þeim. Smitin sex eru í þremur félögum.

Aðstoðarþjálfari Burnley er með veiruna og sömuleiðis þrír hjá Watford en ekki er gefið upp hverjir það eru. Nokkrir leikmenn Watford neita að mæta til æfinga af ótta við veiruna.

„Þetta er öruggt,“ sagði Jurgen Klopp stjóri Liverpool um málið og er viss um að leikmenn séu klárir í slaginn.

„Það vill enginn skapa hættu en miðað við allt sem við vitum að þá eru leikmenn okkar öryggir.“

„Þegar leikmenn í Þýskalandi voru prófaðir þá voru 10 eða 12 jákvæð próf en þeir eru byrjaðir að spila“