Tekjuhæsta knattspyrnufélag í heimi, Barcelona hefur ákveðið að fara á ríkisspenann og setur allt almennt starfsfólk á atvinnuleysisbætur.
Barcelona er að berjast við að halda rekstri sínum gangandi, tekjugrunur félagsins hefur breyst vegna kórónuveirunnar.
Allir leikmenn Barcelona hafa tekið á sig 70 prósenta launalækkun, allt almennt starfsfólk hefur svo verið sett á atvinnuleysisbætur. Starfsfólkið er ósátt og segir félagið ekki segja neitt.
,,Við erum öll í uppnámi með hvernig félagið hefur komið fram við okkur. Við fáum ekkert að vita og engar viðræður við félagið hafa átt sér stað,“ sagði talsmaður starfsmanna Barcelona.
,,Það eru ekki nein samskipti á milli þeirra sem stjórna félaginu og þeirra sem starfa á gólfinu.“