Enska úrvalsdeildin er langt kominn með að fá leyfi frá stjórnvöldum til að hefja leik aftur í júní, frá þessu greinir enska götublaðið Mirror.

Englendingar búast við því að ná hátindi í kórónuveirufaraldrinum innan fárra vikna. Ef það gerist gæti enska deildin farið aftur af stað í júní.

Mirror segir að samkomulag við yfirvöld sé langt komi og að leikið verði fyrir luktum dyrum.

Á fundi ensku úrvalsdeildarinnar á föstudag var þetta plan teiknað upp, líklega verða allir leikir í beinni útsendingu. Með því er hægt að koma í veg fyrir að fólk hópi saman fyrir utan vellina.

Leikmenn deildarinnar yrðu settir í hálfgerða sóttkví á meðan allt yrði klárað, þannig væri hægt að klára mótið á skömmum tíma.