Þýska blaðið Bild, segir að Liverpool verði næsti áfangastaður Timo Werner framherja RB Leipzig.
Blaðið telur góðar líkur á því að Werner fari til Liverpool í sumar. Hann er sagður hafa hafnað viðræðum við Inter.
Bild segir að fundur með Werner og Jurgen Klopp stjóra Liverpool sé á dagskrá þar sem þeir geta farið yfir málið.
Klopp hefur lengi haft augastað á Werner sem myndi veita Roberto Firmino verðuga samkeppni í fremstu víglínu.
,,Liverpool er lang líklegasti áfangastaður Werner í sumar,“ segir Christian Falk blaðamaður Bild.
