Kolbeinn Sigþórsson, landsliðsmaður í knattspyrnu hefur náð heilsu og hefur hafið æfingar að fullum krafti með AIK í Svíþjóð. Framherjinn hefur glímt við meiðsli og veikindi á þessu ári.

Kolbeinn er að hefja sitt annað tímabil með AIK, eftir erfið ár vegna meiðsla komst Kolbeinn á lappir á síðasta ári. Gerðar eru miklar væntingar til íslenska framherjans í árs.

,,Hann byrjaði að æfa í gær að fullum krafti, hann má gera allt á æfingum. Þetta eru góð tíðindi en Kolbeinn hefur haldið sér vel við,“ sagði Henrik Jurelius, íþróttastjóri AIK.

Svíar hafa ekki verið með harðar reglur nú þegar kórónuveiran gengur yfir en leikmenn AIK tóku frí frá æfingum í tvær vikur, áður en þeir fóru aftur af stað. Deildin í Svíþjóð hefst í júní.

,,Hann á að vera kominn á fulla ferð þegar deildin byrjar, hann er verkjalaus í dag.“

Kolbeinn er þess fullviss að hann geti raðað inn mörkum í ár. ,,Síðasta ár var gott fyrir mig, líkaminn fór að venjast því að spila fótbolta aftur. Ef ég er heill heilsu og líður vel, þá er ég 100 prósentöruggur á því að ég geti raðað inn mörkum,“ sagði Kolbeinn við sænska fjölmiðla.