Olivier Giroud, leikmaður Chelsea, hefur staðfest að þrjú félög hafi reynt að fá hann í janúar.
Það stefndi mikið í að Giroud væri að kveðja Chelsea í byrjun árs en hann varð á endanum um kyrrt.
Lazio, Inter Milan og Tottenham höfðu áhuga en Giroud ræddi við Antonio Conte, stjóra Inter.
,,Allir vita að verkefnið hjá Inter Milan var það mest spennandi fyrir mig,“ sagði Giroud.
,,Lazio og Tottenham sýndu einnig áhuga. Á einum tímapunkti þá var þetta spurning um hvar ég vildi spila. Ég ræddi við Antonio Conte í síma.“