Roberto Martinez, stjóri belgíska landsliðsins, segir að Thibaut Courtois sé besti markvörður heims í dag.
Courtois hefur undanfarin tvö ár leikið með Real Madrid en hann fór í gegnum erfiða tíma til að byrja með eftir að hafa komið frá Chelsea.
,,Hann hefur alltaf verið með það á hreinu hvað það þarf til að vera markvörður númer eitt hjá Real Madrid,“ sagði Martinez.
,,Hann fór í gegnum erfitt breytingarskeið, það var erfitt en hann var alltaf einbeittur á að sýna hvað í honum býr.“
,,Síðan gegn Galatasaray í Meistaradeildinni hefur hann verið mikilvægur í að ná í úrslit. Hann er enn mjög ungur og getur bætt öll met hjá Real.“
,,Hann sýndi þetta allt á HM: hann er sá besti. Að vera sá besti á HM, ganga í raðir Real Madrid. Gæði hans og stærð leyfa honum að gera hluti sem aðrir geta ekki.“
