Zlatan Ibrahimovic íhugaði að ganga í raðir Leeds í næst efstu deild Englands í janúar.
Þetta segir Andrea Radrizzani, eigandi Leeds, en Zlatan fór að lokum aftur til Ítalíu og samdi við AC Milan.
,,Ég ræddi við Zlatan Ibrahimovic af alvöru. Hann hefði getað valið okkur en ákvað að fara til Milan,“ sagði Radrizzani.
,,Hann hefur verið mjög hreinskilinn og opinn í sambandi við mig. Við þurftum að hugsa rökrétt varðandi bæði liðið og hugmyndir þjálfarans.“
,,Ég ræddi ekki einu sinni um Zlatan eða Edinson Cavani við Marcelo Bielsa því við komumst aldrei á það stig.“
