Dean Henderson mun fá sénsinn hjá Manchester United ef hann gefur því smá tíma að sögn fyrrum leikmanns liðsins, Paul Ince.
Henderson er á láni hjá Sheffield United og hefur staðið sig mjög vel í marki liðsins á þessu tímabili.
,,Hann hefur verið frábær og hefur staðist allar væntingar og er ennþá ungur,“ sagði Ince.
,,Þegar einhver gerir vel á láni þá byrjaru að hugsa að hann geti gert vel fyrir Manchester United. Eins og er held ég að markmenn þurfi meiri reynslu.“
,,Hann ætti að vera ánægður því hann spilar í hverri viku. Ef hann fer til United og situr á bekknum eins og Sergio Romero hefur gert í mörg ár þá er það ekki gott. Ef hann spilar í hverri viku þá mun hans tími koma.“