Ashley Young bakvörður Inter á Ítalíu hefur ráðlagt fólki á Englandi, hvernig það skal haga sér nú þegar kórónuveiran gengur yfir.
Young flutti til Ítalíu í janúar og skömmu síðar fór landið að finna fyrir veirunni. Hann segir fóllki að fara varlega.
,,Notið grímu eða trefil til að hylja nef og munn, notið alltaf hanska þegar þið farið úr bílnum. Ekki snerta kerrur með berum höndum, hafið hanskana á þangað til komið aftur út í bíl,“ sagði Young.
,,Þetta gæti hljómað harkalega, en komið fram við alla sem búa ekki heima hjá þér eins og þeir hafi veiruna. Þú veist aldrei.“
Hann segir matvöruverslun mestu hættuna fyrir fólk í dag. ,,Það er hættulegasti staðurinn til að dreifa veirunni og fá hana, miðað við það sem ég heyri frá fólki heima að það sé klikkun að sækja sér mat. Það er rólegt hér á Ítalíu.“
,,Ef þú þarft að fara í lyftu, ekki fara fleiri en tvö í einu og farið í sitthvort hornið og horfið ekki á hvort annað.“
