Jón Þorgrímur Stefánsson, var í einkar áhugaverðu viðtali við Hafliða Breiðfjörð á Fótbolta.net í gær. Jón átti farsælan feril sem knattspyrnumaður hér á landi.

Árið 2000 var hann í herbúðum Vals en yfirgaf liðið áður en tímabilið hófst, það var eftir slagsmál í æfingaferð félagsins við þjálfarann, Ejub Purisevic.

Jón Þorgrímur hafði verið með læti í leik fyrr um daginn og þegar liðið ætlaði að sletta úr klaufunum eftir hann, var Jóni bannað að fara. ,,Þegar þetta frjálsa kvöld kemur segir Ejub ‘mér er alveg sama hvað þið gerið í kvöld. Það er frjálst kvöld á alla nema Jónsa’,“ segir Jón Þorgrímur í viðtalinu við Hafliða sem heyra má í heild hérna.

Jón lét sér ekki segjast og skellti sér út á næturlífið með öðrum leikmönnum Vals, daginn eftir sauð allt upp úr.

„Morguninn eftir kemur Ejub, hann er mjög skapstór líka og in your face týpa. Hann rífur í mig þegar við erum að koma upp á hótelið og ég segi honum að sleppa mér. Hann tekur þá fastar í hálsmálið á mér og ég segi: ‘Gaur, slepptu mér!’ Hann sleppti ekki svo ég endaði á að snúa hann niður og segja honum að hann hefði betur sleppt mér.“

Pepsi Max deildin á 433 er í boði